كلمات مهرجان صدمة حب ابو الشوق، كما عودنا مغنى المهرجانات الشعبى ابو الشوق بالقصص المعبرة الجميلة التى تحاكى الواقع،
اليوم طرح ابو الشوق قصة جديدة تحكى أن شاب أحب فتاة واعجب بها، وقرر ان يتحدث معها لكنها رفضته لانه كان يتعاطا المخدرات، ولكن الشاب قرر ان يغير من نفسه ويتعالج من الأدمان ويعمل من أجل الفتاة وبعدها التقدم لها، وهنا عبرة القصة ان الشاب طلع اخوها.
كلمات مهرجان صدمة حب
شاب لسه فى البداية يتيم بدايته كانت نهاية
الزمان ده داس عليه بس كانت حكايته حكاية
كان من عشاق الخمور
دنيته ضلمة مفيهاش نور
ماشي بمدا اعيش مسرور
قبل مايجى عليا الدور
شاف في مرة بنت جميلة
وحبها من أول ليلة
بصيتله بنظره اعجاب كأنه قصاده شاف أميره
قالها انا أعجبت بيكي
اسمحيلى انى ابقى ليكي
وهدخل البيت انا من بابه
وجوه عينى انا هخبيكي
قالت عليك ده كلام كتير
عارفة عنك حاجات كتير
انت خمورجي او شمام
مش هتجوز واحد سكير
عايزين لازم بقا تتعالج
عشان طريقا يبقا سالك
وانت عارف الدنيا اية مملوك بيداس من الممالك
دخل المصحة وواقفة جنبه
مرت سنين وواقفة جنبه
بس اتعالج وخرج منها
السم خلاص راح من دمه
قالتله شوفتلك شغلانة هتاكل منها بالحلال
هتشتغل ورشه حداد احسن بكتير من الشمال
اشتغل وكون نفسه وقال لحبيبته انا هجيلك
عشان نكون انا وانتى لبعض واجى اطلب من ابوكي ايدك
بعتت لحبيبها العنوان وهي في انتظاره بجنان
وصل بيخبط عليهم امها وابوها فتحوله الباب
دموعهم نازلة بالكيلة حبيبها في صدمة من العيلة
البنت مش فاهمة حاجة خالص
ازاي تبكوا في زى دى ليلة
قالت بدل ما تفرحولي
جايين انهاردة تعيطولي
وانت في اية يا حبيبى مالك
قلولى حاجة وفهمونى
امها قالي متنفعيش انسى خالص متقاوحيش
لازم تفهمى كل حاجة بس منى متزعليش
اللى انتى شيفاه يبقا اخوكي
من بطن امك وصلب ابوكي
وانا هحكى ليكى كل حاجة
بس متزعليش ارجوكى
كان ليكي اخ اكبر منك
من صغره راح في سكة شمال
خوفنا عليكى احسن ياذيكي اصل كان واحد شمام
ومن البيت إحنا طردناه ومن حياتنا نسيناها
والزمن عمل عملته اذانا واحنا أهو اذيناه
بصيتله من جواها زعلانة وفي نفس الوقت كانت فرحانة
قالت سامحنى أرجوك يا اخويا من لحم دمى يا ابن ابويا
خسرنا اه حب الحبايب وكسبنا تانى لمة عيلتنا
من انهاردة مش هتمشى هتبقا معانا ياحبيبنا
معلومات عن مهرجان صدمة حب
غناء: ابو الشوق
كلمات ؛ عبد الحميد نصر
توزيع: ابو الشوق
مونتاج: يوسف البرنس
الراعى: موقع مهرجانات